Sayohat davomida talabalar muzeyda saqlanayotgan tarixiy, madaniy va ma’rifiy ahamiyatga ega bo‘lgan eksponatlar bilan yaqindan tanishdilar. Muzey ekspozitsiyalarida namoyish etilgan xalqimizning qadimiy tarixi, urf-odatlari, milliy qadriyatlari va madaniy merosiga oid ma’lumotlar talabalarda katta qiziqish uyg‘otdi.

Shuningdek, talabalar Namangan viloyatining tarixi, hududda yashab o‘tgan ajdodlarimizning hayoti va faoliyati, xalqimizning boy madaniy merosi haqida qo‘shimcha ma’lumotlarga ega bo‘ldilar. Tashrif davomida talabalar o‘zlarini qiziqtirgan savollariga tegishli javoblar oldilar.

Mazkur sayohat talabalarning bo‘sh vaqtini mazmunli tashkil etish, tarixiy xotirasini mustahkamlash, milliy qadriyatlarga hurmatini oshirish, madaniy merosimizni asrab-avaylash tuyg‘usini shakllantirish hamda dunyoqarashini kengaytirishga xizmat qildi.

Bunday ma’naviy-ma’rifiy tashriflar yoshlarning yurtimiz tarixi va madaniyatiga bo‘lgan qiziqishini yanada oshirishda muhim ahamiyat kasb etadi.