Namangan davlat pedagogika institutida pedagog xodimlarni ishga qabul qilish bo‘yicha tanlovga qadar suhbat jarayonlari o‘tkazilmoqda.

Suhbat davomida nomzodlarning kasbiy bilim va ko‘nikmalari, pedagogik mahorati, mutaxassislik bo‘yicha tayyorgarligi, zamonaviy ta’lim texnologiyalaridan foydalanish salohiyati hamda ilmiy-pedagogik faoliyatga doir qarashlari o‘rganilmoqda.

Shuningdek, ularning ta’lim sifatini oshirish, ilmiy faoliyatni rivojlantirish, talabalarning kasbiy kompetensiyalarini shakllantirish borasidagi taklif va tashabbuslariga alohida e’tibor qaratilmoqda.

Suhbat jarayonlari belgilangan tartib va mezonlar asosida, ochiqlik, xolislik hamda munosib nomzodlarni saralash tamoyillariga muvofiq tashkil etilmoqda.