Shu bois oliy ta’lim muassasasi va mahalla hamkorligini yanada mustahkamlash, yoshlar bilan ishlashda o‘zaro hamkorlikni kuchaytirish muhim ahamiyat kasb etadi.

Shu maqsadda Namangan davlat pedagogika instituti Yoshlar bilan ishlash, ma’naviyat va ma’rifat bo‘limi tyutorlari M. Ruzimatova va K. Nasriddinova tomonidan mahalla fuqarolar yig‘ini raisi T. Eraliyev bilan hamkorlikda uchrashuv va suhbat tashkil etildi.

Suhbat davomida ijara xonadonlarida istiqomat qilayotgan talabalar bilan bog‘liq masalalar, ularning bo‘sh vaqtini mazmunli tashkil etishi, yashash xonadonlarida yaratilgan sharoitlar, mahalladagi ijtimoiy muhit, yoshlarning o‘zaro munosabatlari, shuningdek, kiberjinoyatchilik, jinoyatchilik va huquqbuzarliklarning oldini olish kabi muhim masalalar muhokama qilindi.

Shuningdek, talabalar xavfsizligini ta’minlash, ularning muammolarini o‘z vaqtida aniqlash va zarur hollarda amaliy ko‘mak ko‘rsatishda OTM–mahalla hamkorligini yanada kuchaytirish bo‘yicha fikr va takliflar bildirildi.

Bunday hamkorlik yoshlar tarbiyasida yagona yondashuvni shakllantirish, ularning bo‘sh vaqtini mazmunli tashkil etish hamda xavfsiz va sog‘lom ijtimoiy muhitni ta’minlashga xizmat qiladi.