Chortoq tuman 14-sonli bolalar musiqa va san’at maktabida "Yoshlar kuni" munosabati bilan Namangan davlat pedagogika instituti katta o‘qituvchisi, falsafa doktori (PhD) A. Asraqulova yosh pedagoglar uchun mahorat darsi o‘tkazdi.

​

Ochiq va samimiy muloqot tarzida kechgan uchrashuvda quyidagi muhim masalalar atroflicha muhokama qilindi:

​Zamonaviy dars berish metodlari va ularni amaliyotga samarali joriy etish usullari;

​Yosh ijodkorlar va o‘quvchilar qalbiga yo‘l topish, ularning ruhiy-psixologik xususiyatlarini inobatga olish sirlari;

​Pedagogik faoliyatda uchraydigan murakkab holatlar va ularning sodda, amaliy yechimlari.

​Mahorat darsi shunchaki nazariy ma’ruza emas, balki jonli savol-javoblar, hayotiy misollar va erkin muloqot maydoniga aylandi. Yosh o‘qituvchilarning ko‘zidagi intilish va samimiy qiziqish Chortoqda san’at hamda ta’lim sohasi kelajagi ishonchli qo‘llarda ekanini yana bir bor isbotladi. Qatnashchilar o‘zlarini qiziqtirgan barcha savollarga atroflicha javob olib, kelgusi faoliyatlari uchun zarur ilhom va energiya toplashdi.

​O‘qituvchilar doirasida shakllangan ushbu metodik ko‘tarinkilik va ijodiy ruh maktab o‘quvchilari o‘rtasida o‘tkazilgan "Kuz fantaziyasi" nomli foto tanloviga ham ulanib ketdi. Yosh pedagoglardan olgan bilimlari va ilhomlantiruvchi energiyani amaliyotga ko‘chirgan ustozlar rahbarligida o‘quvchilar o‘zlarining nozik badiiy qarashlarini namoyon etishdi.

 Tanlovda ko‘plab iqtidorli o‘quvchilar kuz faslining betakror go‘zalligini muhrlagan suratlari bilan faol qatnashib, o‘z ijodiy salohiyatlarini namoyish etishdi. Uchrashuv bergan ruhiy turtki hamda fototanlovdagi rang-barang tasvirlar uyg‘unlashib, maktabda ta’lim va amaliy ijod uzviyligi ta’minlanganining yorqin namunasiga aylandi. buni ham