Mazkur tashrif talaba-yoshlarning ma’naviy dunyoqarashini kengaytirish, milliy qadriyatlarga hurmat tuyg‘usini mustahkamlash, tarixiy-madaniy merosni o‘rganish hamda ajdodlar merosiga ehtirom ruhida tarbiyalashga qaratilgan ma’naviy-ma’rifiy tadbirlardan biri bo‘ldi.Tashrif davomida talabalar ziyoratgohning ma’naviy ahamiyati bilan tanishib, yurtimizda mavjud tarixiy qadamjolar va muqaddas maskanlarning xalqimiz hayotidagi o‘rni, ularni asrab-avaylash hamda kelajak avlodlarga yetkazish masalalariga e’tibor qaratdilar. Shuningdek, bunday maskanlar yosh avlodni milliy o‘zlikni anglash, tarixiy xotirani qadrlash va umuminsoniy qadriyatlarga hurmat ruhida tarbiyalashda muhim ahamiyat kasb etishi ta’kidlandi.
Bugungi kunda oliy ta’lim muassasalarida talabalarning kasbiy kompetensiyalarini rivojlantirish bilan bir qatorda, ularning ma’naviy-axloqiy kamolotini ta’minlash, ijtimoiy mas’uliyatini oshirish va faol fuqarolik pozitsiyasini shakllantirish ham ta’lim-tarbiya jarayonining muhim yo‘nalishlaridan biri hisoblanadi. Shu nuqtayi nazardan, tarixiy qadamjolar va ma’naviy maskanlarga tashkil etiladigan tashriflar ta’limning nazariy va amaliy jihatlarini uyg‘unlashtirish, talabalarda milliy merosga nisbatan ongli munosabatni shakllantirish hamda ma’naviy tarbiya samaradorligini oshirishga xizmat qiladi.Ayniqsa, bo‘lajak texnologiya fani o‘qituvchilari uchun milliy hunarmandchilik an’analari, xalqimizning tarixiy tajribasi, madaniy merosi va ma’naviy qadriyatlarini chuqur anglash muhim kasbiy-pedagogik ahamiyatga ega. Chunki texnologik ta’lim jarayonida o‘quvchilarga zamonaviy bilim va ko‘nikmalarni berish bilan birga, ularda milliy merosga hurmat, mehnatsevarlik, mas’uliyat, ijodkorlik va bunyodkorlik fazilatlarini shakllantirish ham alohida o‘rin tutadi.Tashrif yakunida bunday ma’naviy-ma’rifiy tadbirlarning yoshlar tarbiyasidagi o‘rni, tarixiy-madaniy merosni o‘rganish va uni kelajak avlodlarga yetkazish mas’uliyati alohida e’tirof etildi.
Namangan davlat pedagogika institutida talabalarning intellektual salohiyatini yuksaltirish, kasbiy tayyorgarligini takomillashtirish hamda ma’naviy-axloqiy fazilatlarini rivojlantirishga qaratilgan ma’naviy-ma’rifiy tadbirlar izchil davom ettirilmoqda.