Namangan davlat pedagogika instituti talabalari Alisher Navoiy nomidagi musiqali drama teatriga tashrif buyurdilar.

Xususan, M.Roʻzimatova, Ch.Isroilova, M.Umarova hamda H.Alimaovalar boshchiligida bir guruh talabalar "Baxt eshik qoqqanda" spektakli namoyishiga tashrif amalga oshirdi. Ushbu spektaklda talabalar o‘zlariga katta ma’naviy ozuqa oldilar. Asar davomida insoniy qadriyatlar, hayotiy sinovlar va baxtning asl mohiyati yorqin badiiy talqinda yoritib berildi. Talabalar spektakldagi obrazlar orqali hayotiy xulosalar chiqarib, teatr san’atining jozibasini yanada chuqur his etdilar.

Mazkur tashrif talabalarning bo‘sh vaqtini mazmunli tashkil etish, ularning estetik didini oshirish hamda milliy madaniyatimizga bo‘lgan qiziqishini yanada kuchaytirishda muhim ahamiyat kasb etdi.

❮ ❯