Namangan davlat pedagogika institutida “Ijtimoiy muhit barqarorligi va talaba yoshlar o‘rtasida huquqbuzarlik hamda jinoyatchilikni oldini olish borasidagi muhim vazifalar” mavzusida Ijtimoiy fanlar fakulteti kechki ta'lim yo'nalishi talabalari bilan profilaktik uchrashuv bo‘lib o‘tdi.

Uchrashuvni institutning Yoshlar masalalari va ma’naviy-ma’rifiy ishlar bo‘yicha birinchi prorektori A.Isoqboyev ochib berib, talaba-yoshlar o‘rtasida huquqiy ong va madaniyatni yuksaltirish, sog‘lom ijtimoiy muhitni shakllantirish borasida olib borilayotgan ishlar haqida so‘z yuritdi.

Tadbirda huquq-tartibot organlari vakillari, fakultet rahbariyati hamda mas’ul mutasaddilar ishtirok etdi. Uchrashuv davomida talabalarga huquqbuzarlikning oldini olish, jinoyatchilikka qarshi kurashish, yuridik bilimlarni oshirish hamda sog‘lom turmush tarziga amal qilishning ahamiyati haqida batafsil tushuntirishlar berildi.

❮ ❯