Namangan davlat pedagogika institutida "Yoshlar orasida giyohvandlik vositalariga qarshi kurash oyligi" doirasida talabalar uchun maʼrifiy uchrashuv tashkil etildi.

Tadbir davomida mutaxassislar tomonidan giyohvandlik vositalari va psixotrop moddalarni tarqatish bilan bog‘liq noqonuniy harakatlar uchun jinoiy javobgarlik haqida batafsil tushuntirish berildi.

Shuningdek, ushbu moddalarni isteʼmol qilishning inson salomatligiga va jamiyatga yetkazadigan og‘ir oqibatlari haqida fikr yuritilib, yoshlar bunday xavfli illatlardan o‘zlarini asrashlari zarurligi alohida taʼkidlandi.

Uchrashuv yakunida mavzuga oid videorolik namoyish etilib, giyohvandlikning jiddiy xavfi va unga qarshi kurashning muhimligi yoshlarga yana-da chuqurroq tushuntirildi.

❮ ❯