Malaka amaliyoti

Namangan davlat pedagogika instituti Kreativ pedagogika va psixologiya kafedrasi dotsenti A. Turg‘unboyeva hamda o‘qituvchi S. Jo‘rayevlar Psixologiya yo‘nalishi 2-bosqich talabalari bilan malakaviy amaliyot obyekti sifatida belgilangan Namangan shahar 17- 41-umumta’lim maktablariga tashrif buyurdilar.Amaliyotning ilk kunida maktab rahbariyati va amaliyotchi psixolog ishtirokida talabalar uchun seminar tashkil etildi. Unda talabalarga amaliyot davomida bajariladigan vazifalar, ichki tartib-intizom qoidalari hamda soha doirasida amalga oshiriladigan ishlar haqida batafsil ma’lumot berildi.Shuningdek, seminar davomida nazariy bilimlarni amaliy faoliyat bilan uyg‘unlashtirish, kasbiy ko‘nikmalarni rivojlantirish hamda kelajakda malakali mutaxassis sifatida shakllanishda malakaviy amaliyotning ahamiyati yoritib berildi.