Namangan davlat pedagogika institutida "Amir Temur vorislari" harbiy- sport musobaqasi yuqori saviyada tashkil etildi.
Musobaqani institut birinchi prorektori A. Isoqboyev tantanali ravishda ochib berib, bu kabi tadbirlar yoshlarning jismoniy tayyorgarligini oshirish, vatanparvarlik ruhini mustahkamlash hamda ularda jasorat, matonat va intizom kabi fazilatlarni shakllantirishda muhim ahamiyat kasb etishini ta’kidladi. Shuningdek, u barcha ishtirokchi talabalarga omad va yuksak natijalar tiladi.
Musobaqa davomida talabalar turli harbiy-amaliy va sport yo‘nalishlarida o‘z kuch va mahoratlarini sinovdan o‘tkazdilar. Jamoalar o‘rtasidagi bellashuvlar qizg‘in va murosasiz kechib, ishtirokchilarning jipsligi, tezkorligi hamda jismoniy chiniqqanligi namoyon bo‘ldi.
❮ ❯