Namangan shahridagi IT Park Namangan viloyati filialida “Talabalar kibersport o‘yinlari – Farg‘ona-2025” respublika musobaqasining Namangan viloyati saralash bosqichi bo‘lib o‘tdi.
Mazkur musobaqa 4 ta yo‘nalishda tashkil etilib, unda viloyatdagi 6 ta oliy ta’lim muassasasining jamoalari ishtirok etdi. Har bir jamoa 13 nafardan ishtirokchidan iborat bo‘ldi.
Ushbu musobaqada Namangan davlat pedagogika instituti Jismoniy madaniyat yo‘nalishi 1-bosqich talabasi Abbos Ahmadjanov FC25 yo‘nalishi bo‘yicha 1-o‘rinni egallab, joriy yilning 23–25 iyun kunlari Farg‘ona shahrida bo‘lib o‘tadigan Respublika bosqichida ishtirok etish huquqini qo‘lga kiritdi.
Talabamizga kelgusi bosqichda ham omad tilaymiz!
❮ ❯