Mingbuloq tumani 38-umumta'lim maktabida Namangan davlat pedagogika institutining Falsafiy va tarixiy fanlar kafedrasi o'quv metodik markazining ochilish marosimi boʻlib oʻtdi.
Marosimda institut rektori B.Xusanov boshchiligida institut professor-oʻqituvchilari, tuman maktabgacha va maktab taʼlimi boʻlimi mudiri O.Ho'jayev hamda tumandagi maktab direktorlari ishtirok etishdi.
Marosim avvalida institut jamoasi mazkur maktab oʻquvchi-yoshlarining startap loyihalari, qoʻl mehnatiga asoslangan ishlarini koʻzdan kechirishdi.
MAQSAD — tumanda ta’lim tizimini yanada rivojlantirish, dunyoning ilg‘or ta’lim amaliyotlari uchun ma’rifiy makonni yaratish, sifatli ta’lim tizimi uchun hamkorlikda harakat qilish.
VAZIFALAR — umumiy o‘rta ta’lim muassasalari bilan pedagog kadrlarni kasbiy rivojlantirish; dual taʼlim doirasida 4+2 tizimini maqsadli va samarali tashkil etish; umumta'lim maktablariga o'quv-uslubiy metodik yordam berish; maktab va institut o'rtasidagi hamkorlik aloqalarni yangi bosqichga olib chiqish; ta’lim muassasalarining pedagogika sohasidagi tajribasini o‘rganish, o‘rgatish va ommalashtirish.
❮ ❯