O‘zbekiston Milliy Pedagogika Universitetida Cambridge University Press & Assessment bilan hamkorlikda maktabgacha va boshlang‘ich ta’lim yo‘nalishlariga bag‘ishlangan seminar-trening bo‘lib o‘tmoqda.

Unda Namangan davlat pedagogika instituti Boshlang‘ich ta’lim innovatsiyalari kafedrasi o‘qituvchilari Mahliyo Djakbarova hamda Turg‘unoy Jo‘rayeva faol ishtirok etmoqda.

Seminar davomida ishtirokchilar boshlang‘ich ta’lim o‘quv dasturlarini takomillashtirish, konstruktiv uyg‘unlik, zamonaviy pedagogik yondashuvlar, Harvard Project Zero metodikalari, STEAM hamda XXI asrning 4K ko‘nikmalari bo‘yicha nazariy va amaliy bilimlarini mustahkamlamoqda.

Mazkur xalqaro tajriba institutimizda bo‘lajak boshlang‘ich sinf o‘qituvchilarini tayyorlash sifatini yanada oshirishga xizmat qiladi.