2026-yil 17-avgust kuni 2026/2027-o‘quv yili qabuli doirasida xorijiy va nodavlat oliy ta’lim muassasalaridan Namangan davlat pedagogika institutiga o‘qishini ko‘chirish istagida bo‘lgan talabalar uchun Jismoniy madaniyat ta’lim yo‘nalishi bo‘yicha kasbiy (ijodiy) imtihonlar o‘tkazildi.

Imtihon jarayonlari Namangan viloyati Ichki ishlar boshqarmasi huzuridagi “Dinamo” o‘yingohida belgilangan tartib va talablar asosida tashkil etildi.

Kasbiy (ijodiy) imtihon davomida talabgorlarning jismoniy tayyorgarligi, amaliy ko‘nikmalari, sportga oid qobiliyatlari hamda belgilangan me’yorlarni bajarish darajasi baholandi.

Imtihon jarayonlarida ochiqlik, shaffoflik va xolislik tamoyillariga qat’iy rioya etilib, barcha talabgorlar uchun teng sharoit yaratildi.