Namangan davlat pedagogika instituti Tarix yo‘nalishining 3-kurs talabalari 4+2 amaliyoti doirasida Namangan shahridagi 4-sonli IDIUMda amaliy mashg‘ulotlarni boshladi.

Amaliyot davomida talabalar tarix fani darslarini kuzatadi, o‘quvchilar bilan ishlash, mashg‘ulotlarni rejalashtirish va tashkil etish hamda zamonaviy pedagogik metodlarni qo‘llash bo‘yicha tajriba orttiradi. Bu jarayon ularning institutda olgan nazariy bilimlarini maktabdagi faoliyat bilan bog‘lashga xizmat qiladi.

Falsafiy va tarixiy fanlar kafedrasi o‘qituvchisi, amaliyot rahbari B. Mallabayev hamda maktab direktori E. Tursunov talabalarga amaliyotni samarali tashkil etish yuzasidan tavsiyalar va yo‘riqnomalar berdi.

4+2 amaliyoti bo‘lajak o‘qituvchilarning kasbiy ko‘nikmalari va pedagogik mahoratini rivojlantirishda muhim o‘rin tutadi.