Namangan davlat pedagogika instituti Pedagogika fakulteti dekani Z. Abdullayev, dekan o‘rinbosari S. Dadaboyev hamda profilaktika inspektori S.Axmadjonovlar hamkorligida Sharq tongi MFYda joylashgan talabalar turar joyiga tashrif buyurildi.

Tashrif davomida talabalarning yashash sharoitlari bilan yaqindan tanishilib, ularning holidan xabar olindi. Shuningdek, talabalar turar joyining kuz-qish mavsumiga tayyorgarlik holati o‘rganilib, sovuq kunlarda yuzaga kelishi mumkin bo‘lgan turli noxush holatlarning oldini olish, yong‘in va is gazidan zaharlanish xavfsizligi qoidalariga rioya etish yuzasidan tushuntirish ishlari olib borildi.

Suhbat jarayonida talabalarga mavjud sharoitlardan oqilona foydalanish, xavfsizlik qoidalariga amal qilish hamda biror muammo yoki kamchilik yuzaga kelganda mas’ul xodimlarga o‘z vaqtida murojaat qilish tavsiya etildi.

Bunday tashriflar talabalarga ko‘rsatilayotgan e’tibor va g‘amxo‘rlikni kuchaytirish, ularning xavfsizligi hamda farovon yashash sharoitlarini ta’minlashga xizmat qiladi.