Namangan davlat pedagogika institutida 21-oktabr — O‘zbek tili bayrami munosabati bilan “O‘zbek tili — milliy o‘zligimiz ko‘zgusi” mavzusida insholar tanlovi tashkil etildi.

Tanlovdan ko‘zlangan asosiy maqsad — talaba-yoshlarning ona tilimizga bo‘lgan hurmat va ehtiromini yanada oshirish, milliy qadriyatlarimizni asrab-avaylash, o‘zbek tilining boy imkoniyatlarini keng targ‘ib etish hamda talabalarning ijodiy tafakkuri va yozma nutq mahoratini rivojlantirishdan iborat.

 Tanlov davomida ishtirokchilar ona tilimizning bebaho qadri, milliy o‘zligimizni anglashdagi o‘rni, ma’naviy merosimizni avlodlarga yetkazishdagi ahamiyati haqidagi fikr va mulohazalarini o‘z insholarida ifoda etdilar.

  Ona tilimiz — milliy g‘ururimiz, ma’naviy boyligimiz va o‘zligimiz timsolidir! Uni e’zozlash va rivojlantirish har birimizning burchimizdir.