Tadbir davomida ona tilimizning boyligi, go‘zalligi va betakror imkoniyatlarini namoyon etishga qaratilgan qiziqarli, interfaol topshiriqlar bajarildi. Jumladan:
«Sinonimlar daraxti» — so‘z boyligini oshirish va sinonim so‘zlarni topish;
«Rasmdagi asarlar» — adabiy asarlarni rasmlar orqali aniqlash va adabiyotga bo‘lgan qiziqishni mustahkamlash;
«O‘zbekcha gaplashaylik» — ona tilida ravon, to‘g‘ri va chiroyli so‘zlashish ko‘nikmalarini rivojlantirishga qaratilgan topshiriqlar ishtirokchilarda katta qiziqish uyg‘otdi.
Tadbirda o‘qituvchilar va talabalar faol ishtirok etib, o‘z bilim va mahoratlarini namoyish etdilar. Ko‘tarinki ruhda o‘tgan ushbu tadbir barchada ona tilimizga bo‘lgan mehr, hurmat va iftixor tuyg‘ularini yanada mustahkamladi.