Tadbirdan maqsad talabalarning tarixiy jarayonlarni to'g'ri tasavvur qilishlari, o'tmish voqealarini chuqurroq anglab yetishlari edi.
Talabalar "Muqaddas zamin" filmini tomosha qildilar. Badiiy asar vositasida tarixiy voqealarni ko'z oldiga keltirish, ularning mohiyatini his qilish darslarda olingan bilimlarni mustahkamlashga xizmat qiladi.
Tomoshadan so'ng talabalar film haqidagi fikr-mulohazalari bilan o'rtoqlashib, o'z taassurotlarini bayon etdilar.
Ushbu tadbir yoshlarda Vatanga muhabbat, o'tmishga hurmat va o'z xalqi tarixi bilan faxrlanish tuyg'ularini kuchaytirishga xizmat qiladi. Shuningdek, "Muqaddas zamin" filmi tomoshabinlarda vatanparvarlik g'oyasini shakllantirishiga ishonamiz.