7.11.2026 kuni Kreativ pedagogika va psixologiya kafedrasi stajyor o‘qituvchisi Gulmira Kuziyeva tomonidan Psx-AU-24 guruhida «Psixologik konsultatsiya va psixokorreksiya» fanidan «Qalbga yo‘l – ruhiyatga sayohat» nomli ochiq amaliy mashg‘ulot tashkil etildi.

Mashg‘ulot davomida talabalar psixologik konsultatsiyaning mazmun-mohiyati, samarali muloqot, empatiya, faol tinglash va psixokorreksion ta’sir ko‘rsatish usullari yuzasidan bilimlarini mustahkamladilar.

Ochiq dars interfaol metodlar, qiziqarli psixologik o'yinlar va muammoli vaziyatlar asosida tashkil etildi. Talabalar psixolog va mijoz rollarida ishtirok etib, turli hayotiy vaziyatlarda psixologik yordam ko‘rsatish ko‘nikmalarini namoyish etdilar.