Aziz xorijdagi yosh vatandoshlar!

O‘zbekiston Respublikasi Oliy ta’lim, fan va innovatsiyalar vazirligi hamda davlat oliy ta’lim muassasalari xorijda istiqomat qilayotgan yosh vatandoshlarimizni O‘zbekistonning yetakchi universitet va institutlarida davlat granti (bepul) asosida ta’lim olishga taklif etadi!

O‘zbekiston Respublikasi Ta’lim tashkilotlariga qabul qilish bo‘yicha Davlat komissiyasi qaroriga muvofiq, xorijdagi yosh vatandoshlar uchun 30 ta davlat granti ajratildi.

📚 Qaysi yo‘nalishlar bo‘yicha grantlar ajratilgan?

• O‘zbek tili va adabiyoti
• Filologiya va tillarni o‘qitish: o‘zbek tili
• Tarix
• San’at ta’limi (barcha bakalavriat yo‘nalishlari)
• Tasviriy san’at va muhandislik grafikasi
• Musiqa ta’limi

🏛 Qaysi OTMlarda o‘qishingiz mumkin?

O‘zbekiston Milliy universiteti, Toshkent davlat o‘zbek tili va adabiyoti universiteti, Samarqand davlat universiteti, O‘zbekiston jurnalistika va ommaviy kommunikatsiyalar universiteti, Namangan davlat pedagogika instituti hamda respublikamizning boshqa ko‘plab nufuzli davlat universitet va institutlari.

📋 Hujjat topshirish va saralash tartibi:

• Arizalarni topshirish: Talabgorlar tomonidan arizalar va tegishli hujjatlar har yili 5-sentyabrdan 15-sentyabrgacha muayyan OTMlar tomonidan qabul qilinadi.

• Ekspertizadan o‘tkazish: Qabul qilingan hujjatlar Oliy ta’lim, fan va innovatsiyalar vazirligining Ekspert komissiyasi tomonidan 5-oktyabrgacha o‘rganib chiqiladi va yakuniy qaror qabul qilinadi.

📂 Kerakli hujjatlar:

• Ariza (tanlangan OTM va ta’lim yo‘nalishi ko‘rsatilgan holda);
• Fuqarolikni tasdiqlovchi hujjat (Pasport yoki ID-karta nusxasi);
• Xorijda istiqomat qilishini/vatandoshligini tasdiqlovchi hujjatlar hamda ma’lumoti haqidagi shahodatnoma/diplom.