Yoshlar kuni doirasida yoshlar o‘rtasida kitobxonlik madaniyatini yuksaltirish, mutolaa orqali bilim va dunyoqarashni kengaytirish, talabalarning ma’naviy olamini boyitish maqsadida tyutorlar O. Madaminova tashabbusi bilan Xotin-qizlar masalalari bo'yicha rektor maslahatchisi G.Dexkonovahamkorligida “Yoshlarga kitob ulashib — bilim va ma’rifat sari birgalikda!” nomli kitobxonlik aksiyasi tashkil etildi.

📌Aksiyada institut rektori B. Xusanov, Yoshlar masalalari va ma’naviy-ma’rifiy ishlar bo‘yicha birinchi prorektor A. Isoqboyev, Filologiya kafedrasi mudiri, professor R. Tillayev, professor-o‘qituvchilar hamda institut xodimlari ishtirok etdilar.

📌Tadbir davomida talabalarga turli mavzulardagi badiiy, ilmiy-ma’rifiy va tarbiyaviy ahamiyatga ega kitoblar ulashildi. Kitoblarning inson tafakkurini boyitish, mustaqil fikrlash qobiliyatini rivojlantirish, nutq madaniyatini oshirish hamda hayotiy tajribani kengaytirishdagi o‘rni haqida fikr-mulohazalar bildirildi. Shuningdek, yoshlarni bo‘sh vaqtlarini mazmunli tashkil etishga, muntazam mutolaa qilishga va o‘qigan kitoblari yuzasidan o‘zaro fikr almashishga undash masalalariga alohida e’tibor qaratildi.

📌Aksiya doirasida talabalar ishtirokida qiziqarli viktorinalar, bilimlarni sinovdan o‘tkazuvchi savol-javoblar hamda intellektual o‘yinlar tashkil etildi. Ushbu jarayonlar talabalarning bilim va salohiyatini namoyon etish, jamoada ishlash ko‘nikmalarini rivojlantirish va tadbir ishtirokchilari o‘rtasida samimiy muhitni shakllantirishga xizmat qildi.

📌Kitob ulashish orqali yoshlarni ilm-ma’rifatga chorlash, ularda kitobxonlikka mehr uyg‘otish va mutolaani kundalik hayotning ajralmas qismiga aylantirishga qaratilgan mazkur aksiya ishtirokchilarda katta taassurot qoldirdi.

📖 Zero, kitob — tafakkur chirog‘i, bilim manbai va ma’naviyat ko‘zgusi. Yoshlar qalbiga kitob orqali ezgulik urug‘ini qadash esa kelajak sari qo‘yilgan muhim qadamdir!

✅Yoshlar masalalari va ma'naviy-ma'rifiy ishlar bo'yicha birinchi prorektor faoliyatini ijtimoiy tarmoqlarda kuzating