Namangan davlat pedagogika institutida Turkiyaning Bursa Uludağ universiteti professori Muhiddin Ahmedovich Aproilov ishtirokida ilmiy-ma’rifiy uchrashuv tashkil etildi.
“Fizika sohasidagi zamonaviy ilmiy yo‘nalishlar, ta’lim va xalqaro hamkorlik imkoniyatlari” mavzusida o‘tkazilgan uchrashuvda zamonaviy fizikaning dolzarb yo‘nalishlari, ta’lim jarayonidagi yangicha yondashuvlar hamda xalqaro ilmiy hamkorlik istiqbollari muhokama qilindi.

Uchrashuv professor-o‘qituvchilar va talabalar uchun xalqaro tajriba almashish, ilmiy bilimlarini boyitish hamda fizika sohasidagi zamonaviy yutuqlar bilan yaqindan tanishish imkonini berdi.

Bunday ilmiy-ma’rifiy tadbirlar oliy ta’lim muassasalari o‘rtasidagi hamkorlikni mustahkamlash, ta’lim va ilm-fan integratsiyasini rivojlantirishga xizmat qiladi.

Namangan davlat pedagogika instituti — ta’lim, ilm-fan va xalqaro hamkorlik sari!