Yoshlar kuni doirasida Namangan davlat pedagogika instituti Yoshlar bilan ishlash, ma’naviyat va ma’rifat bo‘limi tyutorlari A. Inomjonov, R. Hakimbekov, S. Ubaydullayev va B. Tojahmedovlar tomonidan “Vatanparvarlik va fuqarolik mas’uliyati — davlat ramzlariga hurmat, Konstitutsiya va qonunlarga sadoqat timsoli” mavzusida davra suhbati tashkil etildi. 

Davra suhbatida yoshlar o‘rtasida vatanparvarlik tuyg‘usini mustahkamlash, davlat ramzlariga hurmat bilan munosabatda bo‘lish, Konstitutsiya va qonunlarga rioya qilish hamda fuqarolik mas’uliyatini chuqur anglash masalalari haqida fikr almashildi. 

Suhbat davomida talabalarning huquq va burchlari, jamiyat hayotidagi faol ishtiroki, mamlakat taraqqiyotiga munosib hissa qo‘shish hamda Yangi O‘zbekiston bunyodkorligida yoshlarning o‘rni haqida tushunchalar berildi. 

Tadbir yakunida yoshlarni Vatanga sadoqatli, faol va mas’uliyatli fuqaro bo‘lib voyaga yetish, milliy va umuminsoniy qadriyatlarga hurmat ruhida yashashga chaqirildi.