Yoshlar kuni doirasida Namangan davlat pedagogika instituti Ijtimoiy fanlar fakulteti talabalari uchun Namangan shahar drama teatrida “Ikki dunyo bir qadam” spektakli namoyish etildi.

Mazkur teatr tomoshasi talabalarning ma’naviy dunyosini boyitish, san’at va teatrga bo‘lgan qiziqishini oshirish, milliy madaniyatimiz hamda sahna ijodiga hurmat tuyg‘usini mustahkamlashga qaratildi.

Spektakl orqali talabalar insoniy munosabatlar, hayotiy tanlovlar va ezgu qadriyatlar haqida mushohada yuritish, sahna asarining mazmun-mohiyatini anglash imkoniga ega bo‘ldilar.

Yoshlar uchun tashkil etilayotgan bunday madaniy-ma’rifiy tashriflar ularning bo‘sh vaqtini mazmunli tashkil etish, estetik didini rivojlantirish va ma’naviy kamolotini yuksaltirishga xizmat qiladi.