O‘zbekiston Respublikasi Prezidenti Administratsiyasi huzuridagi Ta’lim sifatini ta’minlash milliy agentligi tomonidan 2026 yilning 3 iyun kuni “Tamoyildan amaliyotgacha: oliy ta’lim tashkilotlarida sifatni ta’minlash boshqaruvi va xalqaro akkreditatsiyaga eltuvchi yo‘l” mavzusidagi xalqaro seminar-trening tashkil etildi.

200 dan ortiq oliygoh rahbarlari, prorektorlar, ta’lim sifati uchun mas’ul mutaxassislar hamda xalqaro ekspertlar ishtirok etgan trening haqiqiy tajriba maydoniga aylandi. 

 

Kun davomida ishtirokchilar oliy ta’limda sifatni ta’minlashning zamonaviy yondashuvlari hamda xalqaro akkreditatsiya jarayonlari bilan tanishish bilan birgalikda vorkshoplar orqali o’zaro tajriba almashish imkoniga ham ega bo’ldilar.

Germaniyaning Xalqaro Biznes Boshqaruvi Akkreditatsiyasi Jamg‘armasining (Foundation for International Business Administration Accreditation) xalqaro ekspertlari tomonidan muvaffaqiyatli akkreditatsiya strategiyalari yuzasidan amaliy tavsiyalar berildi.