Namangan davlat pedagogika instituti Pedagogika fakulteti tyutori L. Xonto‘rayeva tashabbusi bilan “Ma’rifat ulashib” loyihasi doirasida talabalar turar joyida pazanda qizlar kundaligiga navbatdagi sahifa qo‘shildi.
Bu galgi mashg‘ulotda talaba-qizlar turli xil salatlar tayyorlab, nafaqat pazandalik mahoratini namoyish etdilar, balki mehr va hamjihatlik muhitida bir-birlaridan yangi sir-asrorlarni o‘rgandilar.
Mazkur loyiha talabalar bo‘sh vaqtini mazmunli tashkil etish, ularning qiziqish va iste’dodlarini yuzaga chiqarish hamda o‘zaro do‘stona muloqotlarini yanada mustahkamlashga xizmat qilmoqda.
Bunday tadbirlar esa nafaqat mahorat darslari, balki qalblarda iliq xotira, yuraklarda esa mehr uyg‘otuvchi go‘zal onlar bo‘lib qolmoqda.
❮ ❯