Namangan davlat pedagogika institutida ekologik loyihalar va volontyorlik faoliyatiga qiziqadigan yoshlar ishtirokida uchrashuv tashkil etildi.

Mazkur uchrashuv YouthCan — Xalqaro Yoshlar Ekologik Qo‘mitasining Namangan viloyati koordinatorlar jamoasi yoshlarning ekologik yo‘nalishdagi faolligini oshirish, yangi tashabbuslarni qo‘llab-quvvatlash hamda volontyorlik harakatini rivojlantirish masalalariga alohida e’tibor qaratildi.

  Tadbir davomida YouthCan jamoasi bilan hamkorlikda amalga oshirilishi mumkin bo‘lgan yangi ekologik loyihalar, tashabbuslar va volontyorlik faoliyati yuzasidan rejalar muhokama qilindi.

  Yoshlarning ekologik madaniyatini yuksaltirish, ularni foydali tashabbuslarga jalb etish va ekologik mas’uliyatni kuchaytirish yo‘lidagi bunday uchrashuvlar kelgusida ham davom ettiriladi.