Namangan davlat pedagogika instituti Ijtimoiy fanlar fakulteti O‘zbek tili va adabiyoti yo‘nalishi 1-bosqich talabalari ota-onalari bilan uchrashuv tashkil etildi.

  Uchrashuv davomida talabalarning ta’lim-tarbiyasi, o‘zlashtirish ko‘rsatkichlari, institutdagi o‘quv jarayoni hamda yoshlarning ma’naviy-axloqiy kamolotida oila va ta’lim muassasasi hamkorligining ahamiyati haqida fikr almashildi.

 Shuningdek, talabalarning bilim olishi uchun zarur shart-sharoitlarni yaratish, ularning intizomi, mas’uliyati va ijtimoiy faolligini oshirishda ota-onalar bilan muntazam hamkorlikni yo‘lga qo‘yish masalalariga alohida e’tibor qaratildi.

 Bunday uchrashuvlar ota-onalar va institut o‘rtasidagi hamkorlikni mustahkamlash, talaba-yoshlarning har tomonlama yetuk, bilimli va barkamol shaxs bo‘lib voyaga yetishiga xizmat qiladi.