Davlat granti asosidagi qabul kvotalari tasdiqlandi

Prezidentning “2023/2024 oʻquv yili uchun davlat oliy ta’lim muassasalariga oʻqishga qabul qilishning davlat buyurtmasi parametrlari toʻgʻrisida”gi Farmoyishi qabul qilindi (15.06.2023 yildagi F-31-son).

2023/2024 oʻquv yilidan boshlab davlat oliy ta’lim muassasalariga oʻqishga qabul qilishning davlat buyurtmasi parametrlari faqat davlat granti boʻyicha tasdiqlanadi.

Hujjat bilan 2023/2024 oʻquv yili uchun quyidagi qabul kvotalari tasdiqlandi:

bakalavrlar tayyorlash boʻyicha kunduzgi ta’lim shakliga - 34 860 nafar;
magistrlar tayyorlash boʻyicha - 8 923 nafar.

Tizimida oliy ta’lim muassasalari boʻlgan vazirlik va idoralar hamda moliyaviy mustaqillik berilgan davlat oliy ta’lim muassasalari toʻlov-kontrakt asosidagi qabul parametrlarini 2023 yil 20 iyunga qadar tasdiqlaydi.

Shu bilan birga, hujjatga asosan, 2022/2023 oʻquv yilidan boshlab:

Oila va хotin-qizlar qoʻmitasining tavsiyanomasi mavjud oliy ma’lumotga ega boʻlmagan хotin-qizlar uchun bakalavriatning kunduzgi ta’lim shakli boʻyicha umumiy belgilangan davlat granti asosidagi qabul parametrlariga qoʻshimcha 2 000 ta davlat granti ajratiladi;
respublikada faoliyat yuritayotgan хorijiy oliy ta’lim tashkilotlari va ularning filiallari hamda nodavlat oliy ta’lim tashkilotlarida kadrlar tayyorlash uchun 1 000 ta davlat granti ajratiladi;
davlat oliy ta’lim muassasalari magistraturasiga ajratilgan qabul parametrlari doirasida bazaviy toʻlov-kontrakt asosida talabalikka qabul qilingan хotin-qizlarning toʻlov-kontrakt miqdori Davlat byudjeti mablagʻlari hisobidan qoplab beriladi.

Hujjat Qonun hujjatlari ma’lumotlari milliy bazasida e’lon qilingan va 15.06.2023 yildan kuchga kirdi.