Professor-o'qituvchilar va xodimlar "Zakovat" da bellashishdi

Bugun Namangan davlat pedagogika institutida "Milliy tiklanish" demokratik partiyasi Namangan viloyat kengashi bilan hamkorlikda professor-o'qituvchilar va xodimlar o'rtasida "Zakovat" intellektual bellashuvi o'tkazildi.

Bellashuvni institutning Yoshlar masalalari va ma'naviy-ma'rifiy ishlar bo'yicha birinchi prorektori Alisher Isoqboyev ochib berdi hamda barcha ishtirokchilarga omad tilab, shu kabi turnirlarning jamoaviy ishlash va mehnat jamoasi faoliyati samaradorligini oshirishda o'rni katta ekanligini ta'kidlab o'tdi.

Aql jangida fakultetlar va kafedralardan yig'ilgan 9 ta jamoalar ikki tur davomida qizg'in tarzda o'z kuchlarini sinovdan o'tkazishdi.