"BESH TASHABBUS OLIMPIADASI" DOIRASIDA STOL TENNISI BO‘YICHA INSTITUT BOSQICHI O‘TKAZILDI

 Namangan davlat pedagogika institutida yoshlar o‘rtasida sportni ommalashtirish, talabalarning bo‘sh vaqtini mazmunli tashkil etish hamda ularning jismoniy faolligini oshirish maqsadida “Besh tashabbus olimpiadasi” sport musobaqalari doirasida stol tennisi sport turi bo‘yicha fakultetlararo institut bosqichi bo‘lib o‘tdi.

Musobaqada institut fakultetlaridan ishtirok etgan talaba-yoshlar stol tennisi bo‘yicha o‘zaro bellashib, chaqqonlik, tezkor fikrlash, aniqlik va sport mahoratlarini namoyish etdilar.

Qizg‘in va murosasiz kechgan bahslarda ishtirokchilar munosib natijalar uchun kurash olib bordilar. Musobaqa yakunida g‘olib va sovrindorlar aniqlanib, keyingi bosqichlarda institut sharafini munosib himoya qilishlari uchun yo‘llanmalarga ega bo‘ldilar.

Mazkur sport musobaqalari talaba-yoshlar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish hamda iqtidorli yoshlarni qo‘llab-quvvatlashga xizmat qilmoqda.

Murabbiy: Jismoniy madaniyat va sport kafedrasi o'qituvchisi A.Xasanov