Namangan davlat pedagogika institutida iqtidorli talabalarni qo‘llab-quvvatlash, ularning bo‘sh vaqtlarini mazmunli tashkil etish maqsadida “Dolzarb 90 kunlik” dasturi doirasida fan, sport va ijodiy yo‘nalishlardagi to‘garaklar faoliyati yo‘lga qo‘yilgan.

Jismoniy madaniyat va sport kafedrasi tashabbusi bilan tashkil etilgan “Kurash” nomli sport to‘garagi mashg‘uloti ana shu ishlarning amaliy namunasi bo‘ldi. Mazkur mashg‘ulotni kafedra professor-o‘qituvchisi M. Yakubbayev olib bordi.

Mashg‘ulot davomida talabalar milliy sport turi bo‘lgan kurashning asosiy texnik usullari bilan yaqindan tanishdilar. Shuningdek, jismoniy chiniqish, sog‘lom turmush tarzini shakllantirish hamda sport orqali intizom, iroda va g‘oliblikka intilish kabi jihatlar namoyon etildi.

To‘garak mashg‘ulotlari muntazam davom ettirilmoqda. Bu esa talabalarning sportga bo‘lgan qiziqishini oshirishga xizmat qiladi.

❮ ❯