Oliygoh talabalari — bo'lajak pedagog va tarbiyachilar mashg'ulotlarda o'zbekona lutf va nazokatni aks ettiruvchi milliy liboslarimiz — atlas, adras va shoyi matolardan tikilgan liboslar hamda nafis iroqi do'ppilarda ishtirok etishmoqda.
Milliy libos — shunchaki kiyim emas, balki xalqimizning ko'p asrlik tarixi, ma'naviyati, estetik didi va o'ziga xosligini namoyon etuvchi muhim vositadir. Ayniqsa, bo'lajak murg'ak qalblarga tarbiya beruvchi pedagog-talabalarning bunday tashabbusi kelajak avlodga milliy o'zlikni singdirishda, ma'naviy muhitni boyitishda alohida o'rin tutadi.
Talabalarning milliy liboslarda  mashg'ulotlarga tashrif buyurishi dars jarayonlariga alohida fayz va shukuh bag'ishlab, ularning milliy qadriyatlarga bo'lgan hurmatini yanada oshirmoqda.
Guruh tyutori U. Odilova