Namangan davlat pedagogika instituti Falsafiy va tarixiy fanlar kafedrasi o‘qituvchisi Muqaddas Pozilova tashabbusi bilan o‘zbek tiliga davlat tili maqomi berilganining 37 yilligi munosabati bilan “Zakovat” intellektual o‘yini tashkil etildi.

Mazkur intellektual bellashuvda Ijtimoiy fanlar fakultetining Tarix yo‘nalishi hamda Aniq va tabiiy fanlar fakultetining Amaliy matematika yo‘nalishi talabalari ishtirok etib, o‘z bilim va salohiyatlarini sinovdan o‘tkazdilar.

Uchta jamoa o‘rtasida kechgan qizg‘in va murosasiz bahslarda ishtirokchilarning bilimlari hakamlar hay’ati tomonidan baholab borildi. Hakamlar hay’atiga falsafa fanlari bo‘yicha falsafa doktori (PhD), dotsent Nodirbek Qodirov raislik qildi.

Yakuniy natijalarga ko‘ra, g‘oliblar quyidagi tartibda aniqlandi:

1-o‘rin — «Alfraganus» jamoasi; 

2-o‘rin — «Ko‘hinur» jamoasi; 

3-o‘rin — «Everest» jamoasi.

Tadbir yakunida faol ishtirok etgan talabalar maxsus sertifikatlar bilan taqdirlandilar.

Mazkur intellektual o‘yin talabalarning bilimlarini mustahkamlash, mantiqiy fikrlash qobiliyatlarini rivojlantirish, shuningdek, ona tilimizga bo‘lgan hurmat va ehtiromni yanada yuksaltirishga xizmat qildi.