Oliy ta’lim, fan va innovatsiyalar vazirligi binosida 2026-yil 12-oktabr kuni O‘zbekiston Respublikasi Prezidentining 2026-yil 11-sentabr kuni Olmazor tumanidagi “Yoshlik” talabalar shaharchasi hokimligida tashkil etilgan “Vaziyatlar markazi” faoliyati bilan tanishish jarayonida belgilangan topshiriqlar ijrosini muhokama qilish hamda amalga oshirilayotgan ishlarni muvofiqlashtirishga bag‘ishlangan yig‘ilish o‘tkazildi.

Mazkur yig‘ilishda Namangan davlat pedagogika instituti tomonidan Yoshlar masalalari va ma’naviy-ma’rifiy ishlar bo‘yicha birinchi prorektor A.Isoqboyev, Raqamli ta’lim texnologiyalari markazi rahbari B.Yo‘ldoshev hamda bo‘lim tyutorlari videokonferensiya aloqa platformasi — Zoom orqali masofaviy tarzda ishtirok etdilar.

Yig‘ilish davomida belgilangan topshiriqlar ijrosining borishi, mas’ul xodimlar faoliyatini muvofiqlashtirish hamda tegishli yo‘nalishlarda amalga oshirilayotgan ishlarni samarali tashkil etish masalalari muhokama qilindi.

Yig‘ilishda bildirilgan topshiriq va ko‘rsatmalarni o‘z vaqtida hamda sifatli ijrosini ta’minlash yuzasidan tegishli vazifalar belgilab olindi.