Namangan davlat pedagogika instituti Pedagogika fakulteti Maktabgacha ta’lim yo‘nalishida talabalarning ta’lim-tarbiyasi va kasbiy rivojlanishida ota-onalar bilan hamkorlikni mustahkamlash maqsadida ota-onalar uchrashuvi tashkil etildi.
 

     Unda Pedagogika fakulteti dekani Z. Abdullayev, dekan o‘rinbosarlari va tyutorlar, shuningdek, talabalarning ota-onalari ishtirok etdi.
     Uchrashuv davomida oliy ta’lim muassasasi va oila o‘rtasidagi hamkorlikni yanada kuchaytirish, bo‘lajak maktabgacha ta’lim pedagoglarining kasbiy mas’uliyatini oshirish hamda ularning ta’lim-tarbiyasida ota-onalar ishtirokini faollashtirish masalalariga alohida e’tibor qaratildi.
     Ota-onalarga kredit-modul tizimi, darslarga davomat, HEMIS platformasidan foydalanish, reyting va imtihon talablari, shuningdek, institutning ichki tartib-qoidalari hamda talabalar uchun yaratilgan shart-sharoitlar haqida batafsil ma’lumot berildi.
     Shuningdek, talabalarning odob-axloq qoidalariga rioya qilishi, kiyinish madaniyati, darslardagi faolligi va turli to‘garaklarda ishtiroki masalalari yuzasidan fikr almashildi.
    Uchrashuv yakunida ota-onalarning savollari, taklif va mulohazalari tinglanib, ularni qiziqtirgan masalalar yuzasidan tegishli tushuntirishlar berildi.

Ochiq va samimiy muloqot shaklida o‘tgan uchrashuv institut, ota-ona va talaba o‘rtasidagi hamkorlikni yanada mustahkamlashga xizmat qildi.