Tashrif davomida talabalar o‘zbek adabiyotining betakror namoyandasi, iste’dodli shoir Usmon Nosir xotirasiga bag‘ishlangan spektaklni tomosha qildilar. Shoirning hayoti, ijodiy merosi va murakkab taqdiri aks etgan sahna asari talabalarda katta taassurot qoldirdi.

Mazkur tashrifdan ko‘zlangan asosiy maqsad talabalarning ma’naviy dunyoqarashini kengayt
irish, milliy adabiyot va teatr san’atiga bo‘lgan qiziqishini oshirish, shuningdek, yosh avlod qalbida milliy madaniyatimiz va adabiy merosimizga hurmat tuyg‘usini mustahkamlashdan iborat.

Teatr — insonni fikrlashga undaydigan, qalbini boyitadigan va ezgu qadriyatlarga chorlaydigan ma’naviyat maskanidir.