Tadbirda institut psixologi N.Tojiboyeva hamda Xotin-qizlar masalalari bo‘yicha rektor maslahatchisi G.Dehqonova ishtirok etib, talabalarning ma’naviy-ruhiy holatini qo‘llab-quvvatlash, muammoli vaziyatlarning oldini olish va sog‘lom psixologik muhitni shakllantirish masalalariga alohida e’tibor qaratdilar.

Suhbat davomida talabalarga odob-axloq qoidalariga rioya qilish, o‘zaro hurmat va muomala madaniyatini mustahkamlash, talaba-qizlarni har tomonlama qo‘llab-quvvatlash hamda turli muammolar yuzasidan mas’ul xodimlarga murojaat qilish tartibi tushuntirildi. Shuningdek, zarur vaziyatlarda foydalanish mumkin bo‘lgan ishonch telefonlari va Telegram botlari haqida ma’lumotlar berildi.

Amaliy mashg‘ulotlar davomida talabalarning diqqatini jamlash, sezgirligini oshirish, harakatlarini muvofiqlashtirish va jamoada hamkorlikda ishlash ko‘nikmalarini rivojlantirishga qaratilgan qiziqarli psixologik mashqlar o‘tkazildi.

Mazkur tadbir yoshlarni har tomonlama qo‘llab-quvvatlash, ularning psixologik farovonligini mustahkamlash, muammolarga befarq bo‘lmaslik va institutda sog‘lom ma’naviy-psixologik muhitni qaror toptirishga xizmat qildi.

Yoshlar e’tiborda — sog‘lom muhit va ishonchli kelajak sari!