“Savodxon tashkilot — savodli jamiyat” shiori ostida oʻtgan tadbirni viloyat hokimining maʼnaviyat va davlat tili masalalari boʻyicha maslahatchisi Iroda Qoʻchqorova ochib berdi va diktant ishtirokchilariga muvaffaqiyat tiladi.

Hokimlik vakillari, deputatlar, hokim yordamchilari, xotin-qizlar faollari, yoshlar yetakchilari, soliq xodimlari va jurnalistlar qatnashgan tadbirda ishtirokchilar lotin yozuviga asoslangan oʻzbek alifbosini egallaganlik darajasini sinovdan oʻtkazdi.

21-oktyabr — Oʻzbek tili bayrami kuni oldidan oʻtkazilayotgan ommaviy diktant tadbirlari viloyatimiz shahar-tumanlari va korxona-tashkilotlarida ham davom etmoqda.