4+2 amaliyoti: Bo'lajak pedagoglar amaliyotda

Namangan davlat pedagogika instituti Tarix yo‘nalishining 3-kurs talabalari 4+2 amaliyoti doirasida amaliy mashg‘ulotlarni muntazam olib bormoqda.

Falsafiy va tarixiy fanlar kafedrasi o‘qituvchisi, amaliyot rahbari 
B. Mallabayev maktab rahbariyati bilan hamkorlikda talabalarni amaliyot o'tash jarayonlarini muntazam nazorat qilib kelmoqda.

Amaliyot davomida talabalar o‘zlarining nazariy bilimlarini amaliyot bilan uyg‘unlashtirish, tarix fanidan darslarni tashkil etish, zamonaviy pedagogik metodlardan foydalanish kabi ko'nikmalarga ega bo'lmoqda.

4+2 amaliyoti bo‘lajak tarix fani o‘qituvchilarining kasbiy mahoratini oshirish, pedagogik tajribasini mustahkamlash va kelajakdagi faoliyatiga puxta tayyorgarlik ko‘rishida muhim ahamiyat kasb etadi.