Namangan davlat pedagogika instituti Falsafiy va tarixiy fanlar kafedrasi o'qituvchisi Muqaddas Pozilova Ijtimoiy fanlar fakultetining Kechki-UZB-BU-26 guruhi talabalari ishtirokida "O'zbekistonning eng yangi tarixi" fanidan "Mustaqillikka erishish arafasida O'zbekistondagi ijtimoiy-siyosiy jarayonlar" mavzusida ochiq seminar mashg'ulotini o'tkazdi.
Mashg'ulot davomida talabalarga XX asrning 80-yillari o'rtalarida respublikaning ijtimoiy-siyosiy, iqtisodiy va ma'naviy hayotidagi inqirozli holat haqida keng ma'lumotlar berildi.
Seminar jarayonida mavzuga oid savol-javoblar, slayd namoyishi, krossvord va "Aqliy hujum" usullari orqali talabalarning bilim va ko'nikmalari mustahkamlandi. Tadbir yakunida mavzuga oid muhim xulosalar chiqarildi.