Mazkur musobaqalar jamoada sog‘lom turmush tarzini keng targ‘ib etish, xotin-qizlarning sportga bo‘lgan qiziqishini oshirish, o‘zaro hamjihatlik va jamoaviy birdamlikni mustahkamlash maqsadida tashkil etildi.

Qizg‘in va murosasiz kechgan bellashuvlarda ishtirokchilar o‘zlarining chaqqonligi, epchilligi, jismoniy tayyorgarligi hamda jamoaviy harakat qilish mahoratini namoyon etdilar.

Ayniqsa, “Quvnoq startlar” bahslari ko‘tarinki kayfiyat, samimiy raqobat va unutilmas taassurotlarga boy bo‘ldi.

Sport musobaqalari institut jamoasi o‘rtasida sog‘lom raqobat muhitini shakllantirish, hamkasblar o‘rtasidagi do‘stona munosabatlarni yanada mustahkamlashga xizmat qildi.