Bayram arafasida o‘tkazilayotgan musobaqa professor-o‘qituvchilarning sportga bo‘lgan qiziqishini qo‘llab-quvvatlash, sog‘lom turmush tarzini targ‘ib etish hamda institut jamoasi o‘rtasidagi hamjihatlikni mustahkamlashga qaratilgan.

Ayni paytda maydonda qizg‘in bahslar davom etmoqda. Ishtirokchilar bellashuvlarda o‘zlarining sport mahorati, jamoa bo‘lib harakat qilish va bir-birini qo‘llab-quvvatlash ko‘nikmalarini namoyon etmoqda. Hamkasblarning muxlis sifatidagi ishtiroki esa uchrashuvlarga ko‘tarinki kayfiyat bag‘ishlamoqda.

Bunday sport tadbirlari professor-o‘qituvchilarga kundalik mehnat faoliyatidan tashqari birgalikda vaqt o‘tkazish, o‘zaro muloqotni kuchaytirish va bayramni jamoa davrasida kutib olish imkonini beradi.