Namangan davlat pedagogika institutida O'zbekiston Respublikasi Oliy Majlisi Qonunchilik palatasi huzuridagi Yoshlar parlamenti a'zosi hamda talaba-yoshlar uchrashuvi o'tkazildi.

Uchrashuvda, Yoshlar parlamenti a'zosi M.Sotqulova, "Milliy tiklanish" demokratik partiyasi Namangan viloyat kengashi mutaxassisi R.Tursunov, institutning Korrupsiyaga qarshi kurashish "Komplaens-nazorat" tizimini boshqarish boʻlimi boshlig'i A.Tojimatov, Pedagogika fakultetining Yoshlar masalalari bo'yicha dekan o'rinbosari X.Raximov, fakultet tyutorlari va talaba-yoshlar ishtirok etishdi.

Ochiq muloqot tarzida o'tkazilgan uchrashuvda, mutaxassislar tomonidan yoshlarning ijtimoiy-siyosiy faolligini oshirish, ularda liderlik ko'nikmalarini shakllantirish hamda huquqiy ong va madaniyatlarini yuksaltirish masalalarida atroflicha ma'lumotlar berib o'tildi hamda faol ishtirok etgan talabalar esdalik sovg'alari bilan taqdirlandilar.