Namangan davlat pedagogika instituti “Kreativ pedagogika va psixologiya” kafedrasi o‘qituvchilari Abdulxamidova Gulnoza va Mirzaraximova Zilola tomonidan “4+2” amaliyot tizimi doirasida bo‘lajak maxsus pedagoglarning amaliy tayyorgarlik darajasi o‘rganildi.

Mazkur jarayon doirasida Namangan shahridagi 49-sonli alohida ta’lim ehtiyojlari bo‘lgan bolalar uchun ixtisoslashtirilgan maktab-internatida tahsil olayotgan bolalar bilan ishlash jarayonida talabalarning amaliy faoliyati, kasbiy kompetensiyalari hamda egallagan bilimlarini amaliyotda qo‘llash ko‘nikmalari monitoring qilindi.

O‘rganish davomida talabalarning kasbiy tayyorgarligi tahlil qilinib, ularning amaliy ko‘nikmalarini yanada rivojlantirish, kasbiy mahoratini oshirish hamda ta’lim jarayonining samaradorligini ta’minlashga qaratilgan tegishli metodik tavsiya va ko‘rsatmalar berildi.

Bunday monitoring ishlari bo‘lajak maxsus pedagoglarning kasbiy kompetensiyalarini mustahkamlash, nazariy bilimlarini amaliy tajriba bilan boyitish hamda kelgusida ta’lim jarayonini samarali tashkil etishga tayyorlashda muhim ahamiyat kasb etadi.