Namangan viloyatidagi oliy ta’lim muassasalari talabalari o‘rtasida o‘tkazilayotgan “Quvnoqlar va zukkolar” ko‘rik-tanlovining “Ittifoq kubogi” bosqichi qizg‘in va murosasiz bahslarga boy tarzda davom etmoqda.

Tanlov ishtirokchilari yoshlik va jo‘shqinlikni aks ettiruvchi sahna chiqishlari orqali hakamlar hay’ati va tomoshabinlarga yuqori kayfiyat ulashmoqda. Qiziqarli chiqishlar, hazil-mutoyiba va zukkolik bilan boyitilgan dasturlar zalda bayramona muhit yaratmoqda.

“Yangi O‘zbekiston yoshlari – mamlakat tayanchi, xalqimiz faxri!” shiori ostida tashkil etilgan ushbu tanlov iste’dodli yoshlarning o‘z mahoratini namoyon etishiga imkon yaratib, ularning ijodiy salohiyatini oshirishga xizmat qilmoqda.

❮ ❯