Namangan davlat pedagogika institutida ta’lim sifatini oshirish, bitiruvchilarning kasbiy tayyorgarligini mehnat bozori talablariga muvofiqlashtirish maqsadida manfaatdor tomonlar ishtirokida so‘rovnoma o‘tkazildi. Mazkur so‘rovnoma ish beruvchi tashkilotlar vakillarining fikr-mulohazalarini o‘rganish, bitiruvchilarning bilim va ko‘nikmalarini baholash hamda ta’lim dasturlarini takomillashtirishga qaratildi.

Manfaatdor tomonlar mutaxassislar tayyorlash jarayonini yanada takomillashtirish maqsadida quyidagi asosiy yo‘nalishlarda takliflarni ilgari surganlar:

- talabalar uchun amaliy mashg‘ulotlar hajmini oshirish, amaliyot o‘tash muddatini ko‘paytirish hamda nazariy bilimlarni amaliyot bilan uyg‘un holda olib borish;

- talabalarning kasbiy faoliyatga tayyorligini oshirish uchun real ish jarayonlariga yaqinlashtirilgan mashg‘ulotlarni tashkil etish;

- oliygohda laboratoriya jihozlari soni va xilma-xilligini oshirish, zamonaviy kompyuter xonalari tashkil etish va ta’lim jarayonida foydalaniladigan texnik vositalarni zamon talablari asosida bo’lishini ta’minlash;

-talabalarning  raqamli texnologiyalar va AKTbilan bog‘liq kompetensiyalarini rivojlantirish, jumladan sun’iy intellektdan to‘g‘ri foydalanish ko‘nikmalarini shakllantirish;

pedagogik va metodik ko’nikmalarni yanada rivojlantirish, zamonaviy pedagogik texnologiyalarni qo‘llash ko‘nikmalarini oshirish;

Bundan tashqari, seminar va amaliy mashg‘ulotlar sonini ko‘paytirish, talabalar bilan individual ishlashni kuchaytirish hamda ularning mustaqil ta’lim olish ko‘nikmalarini rivojlantirish tavsiya etildi.

❮ ❯