Mazkur tadbirda o‘quvchilarning ta’limga bo‘lgan qiziqishini oshirish, chet tilini o‘rganishda zamonaviy yondashuvlarni qo‘llash hamda til ko‘nikmalarini real hayotiy vaziyatlarda samarali tatbiq etish masalalariga alohida e’tibor qaratildi. Trening davomida xorijiy mutaxassis tomonidan amaliy tavsiyalar berilib, interaktiv metodlar namoyish etildi.

Shuningdek, tumanning boshqa umumta’lim maktablaridan tashrif buyurgan ingliz tili fani o‘qituvchilari uchun alohida seminar-trening o‘tkazilib, pedagoglarning kasbiy malakasini oshirish va ilg‘or xorijiy tajribalarni joriy etish masalalari muhokama qilindi. Tadbir ta’lim muassasalari o‘rtasidagi hamkorlikni yanada mustahkamlash va ta’lim sifatini oshirishga xizmat qildi.