Namangan davlat pedagogika institutida Davlat xizmatini rivojlantirish agentligi Namangan viloyati filialining “Karyera markazi” loyihasi doirasida Ijtimoiy himoya milliy agentligi Namangan viloyati boshqarmasi boshlig’ining talaba-yoshlar bilan ochiq muloqoti bo’lib o’tdi

Mazkur muloqot davomida institutning ijtimoiy ish, psixologiya va maxsus pedagogika (logopediya) ta'lim yo’nalishi talabalari uchun ijtimoiy himoya sohasidagi faoliyat turlari bo’yicha ma’lumotlar berib o’tildi. Shuningdek, talabalar o’z qiziqishlari va kelajak kasblari yuzasidan savollar yo’llab, batafsil tushunchalarga ega bo’ldilar.

Bundan tashqari, O’zbekiston Respublikasi Prezidenti huzuridagi Ijtimoiy himoya milliy agentligi viloyat boshqarmasi va Namangan davlat pedagogika instituti o’rtasida hamkorlik memorandumi imzolandi.

Endilikda, boshqarma va institut o’rtasida fan, ta’lim, ishlab chiqarish sohasida o’zaro manfaatli hamkorlik yo’lga qo’yiladi. Institut pedagogik jamoasi ko’magida mahallalardagi ijtimoiy xodimlarning kommunikatsion ko’nikmalarini oshirish borasida doimiy seminar-treninglar tashkil etib boriladi. Hamkorlik kelishuviga ko’ra institut talabalarining dual ta'lim shaklida o'qish va ish faoliyati, 4+2 tizimi asosida amaliyot o’tishlari uchun ham barcha sharoitlar yaratib beriladi.

❮ ❯